Ташқи ишлар вазири Абдулазиз Комилов бошчилигидаги делегация 2019 йил 30 сентябрь куни Францияда бўлади. Бу ҳақда ТИВ матбуот хизмати маълум қилди.
Делегация бу ерда Франция собиқ президенти Жак Ширакнинг дафн маросимида иштирок этади.
Эслатиб ўтамиз, Жак Ширак 26 сентябрь куни вафот этди. У 86 ёшда эди.
Жак Ширак 1995—2007 йилларда, икки муддат Франция президенти бўлган. Бунгача икки марта — 1974—1976 ва 1986—1988 йилларда мамлакат бош вазири бўлган. Иккинчи бош вазирлик муддатини Париж мери лавозими билан бирга ўтказган. У Франция пойтахтини 18 йил давомида бошқарган.
Мавзуга доир: Франция собиқ президенти Жак Ширак вафот этди
Жак Ширак Ўзбекистон—Франция муносабатларининг мустаҳкамланишига ҳам катта ҳисса қўшган. 1996 йил 24 апрель куни Парижда ЮНЕСКО томонидан ташкил қилинган Амир Темурнинг 660 йиллигига бағишланган кўргазмада шахсан Жак Ширакнинг ўзи иштирок этган ҳамда Амир Темурнинг 1402 йилда Франция қироли Шарл Олтинчи номига йўллаган мактубини Ўзбекистон Биринчи Президенти Ислом Каримовга совға қилган.
Изоҳ (0)