Жанубий Кореянинг Донхе шаҳрида ўтказилаётган робототехника халқаро чемпионатида (International Grand D challenge 2019) иштирок этаётган Ўзбекистон терма жамоаси мусобақаларнинг биринчи кунини муваффақиятли якунлади. Бу ҳақда Инновацион ривожланиш вазирлиги матбуот хизмати «Дарё»га хабар берди.
Робо счолар йўналиши бўйича Шавкат Абдураҳмонов ва Хумоюн Хайдаров 3-ўринни эгаллади. 1-ўринни кореялик, 2-ўринни эса руминиялик ёш робототехниклар қўлга киритди.
Чемпионатнинг Робо счолар йўналиши шартларига кўра тиббиёт, аэрокосмик технологиялар, ёнғин хавфсизлиги, таълим ва озиқ-овқат саноати соҳаларидан бирортаси бўйича икки соат давомида лойиҳа тайёрланиб, ҳакамлар ҳукмига ҳавола этилиши лозим бўлиб, бу йўналишда қатнашган ўзбекистонликлар тиббиёт соҳасида қўлланилиши мумкин бўлган «Smart docbox» ускунасини ясади.
Ўзбекистон терма жамоаси томонидан тақдим этилган яна иккита лойиҳа совринли ўринларни қўлга киритмаган бўлса-да, «technical award» номинациясига лойиқ топилди, яъни техник жиҳатдан ижобий баҳоланди, дейилади хабарда.
Чемпионат давом этмоқда.
Изоҳ (0)