Тошкентда бир ҳафта мобайнида камида уч нафар ўқувчи ёнидан пичоқ топилди

Бир ҳафтадан ошиқ муддатда Тошкентда 3 нафар ўсмирдан пичоқ тортиб олинди. Бу ҳақда ИИББ матбуот хизмати хабар бермоқда.

18 сентябрь куни Миробод туман ИИБ ходимлари томонидан 15 яшар Ж.Ш дарсларга пичоқ билан келгани аниқланган. Ўсмир буни таниши, 14 ёшли С.Н. қўшни мактабдаги синфдошларини «тартибга чақириб қўйиш»ни илтимос қилгани билан изоҳлаган. Ж.Ш разборга кетаётганида уни профилактика инспектори тўхтатиб қолган.

24 сентябрь куни Чилонзор туман ИИБ ходимлари 14 ёшли А.Н дўстлари олдида пакки ўйнатиб турганини пайқаб қолади. Ундан совуқ қурол олиб қўйилди.

26 сентябрь куни Учтепа туман ИИБ ходимлари тумандаги мактаблардан бирининг 11-синф ўқувчиси ёнидан пичоқ топиб олган. Ўсмир нима мақсадда пичоқ кўтариб юрганига арзигулик изоҳ беролмаган.

Мазкур ҳолатлар юзасидан тегишли чоралар кўриш мақсадида материаллар тўпланиб, вояга етмаганлар ишлари бўйича комиссияларга тақдим этилган.