Янги қоидаларга кўра, энди ижтимоий рейтинглар нафақат Хитой фуқаролари, балки мамлакат ҳудудида фаолият олиб бораётган компанияларга ҳам тааллуқли бўлади, деб ёзмоқда Inc.
Корхоналар рўйхатдаги солиқ назорати, атроф-муҳитни ҳимоя қилиш, меҳнат муҳофазаси, маҳсулот сифати, киберхавфсизлик ва яна бошқа масалаларга оид 300 та талабга риоя қилиши лозим.
Маҳаллий ва хорижий компаниялар ХХРдаги бизнесини давом эттириш учун тахминан 1,5 минг саҳифадан иборат низомларни ўрганиб чиқиши ва уларга риоя қилиши зарур. Акс ҳолда улар «қора рўйхат»га киритилади. Бунда айниқса солиқ ва буюртмага оид қоидаларни ўзлаштириш муҳим аҳамиятга эга.
Европа савдо палатасининг Хитойдаги вакили Йёрг Вуттке ушбу ижтимоий рейтинг корпоратив тизими бизнесни янада жонлантириши ёки ўлдириб қўйиши мумкин. ХХРдаги янги бизнес талаблари ҳақидаги ҳисоботда қайд этилишича, рейтинг механизмлари ва талаблари тегишли ҳужжатларда аниқ ва равшан баён этилган.
Стандартларга жавоб берувчи корхоналар ўз фаолиятини давом эттиради, ишлаб чиқариш бўйича қоидаларни бузганлари эса ёпилади. Европада экологик ҳимоя тизимлари Хитойдагига нисбатан кескинроқ ва шу сабабли бу ғарб корхоналарга устунлик бериши мумкин.
Гарчи ғарб мамлакатлари Хитойдаги ушбу ижтимоий рейтингни қоралаб, уни Жорж Оруэллнинг «1984» антиутопиясига қиёслаётган бўлса ҳам, Пекин бу ерда ҳеч қандай ғайриинсонийликни кўрмаяпти. ХХР ҳукумати бундай схема одатий кредитларни қайтариш учун ишлатиладиган кредитлаштириш тизимидан у қадар фарқ қилмайди, деб ҳисобламоқда.
Изоҳ (0)