Yangi qoidalarga ko‘ra, endi ijtimoiy reytinglar nafaqat Xitoy fuqarolari, balki mamlakat hududida faoliyat olib borayotgan kompaniyalarga ham taalluqli bo‘ladi, deb yozmoqda Inc.
Korxonalar ro‘yxatdagi soliq nazorati, atrof-muhitni himoya qilish, mehnat muhofazasi, mahsulot sifati, kiberxavfsizlik va yana boshqa masalalarga oid 300 ta talabga rioya qilishi lozim.
Mahalliy va xorijiy kompaniyalar XXRdagi biznesini davom ettirish uchun taxminan 1,5 ming sahifadan iborat nizomlarni o‘rganib chiqishi va ularga rioya qilishi zarur. Aks holda ular “qora ro‘yxat”ga kiritiladi. Bunda ayniqsa soliq va buyurtmaga oid qoidalarni o‘zlashtirish muhim ahamiyatga ega.
Yevropa savdo palatasining Xitoydagi vakili Yorg Vuttke ushbu ijtimoiy reyting korporativ tizimi biznesni yanada jonlantirishi yoki o‘ldirib qo‘yishi mumkin. XXRdagi yangi biznes talablari haqidagi hisobotda qayd etilishicha, reyting mexanizmlari va talablari tegishli hujjatlarda aniq va ravshan bayon etilgan.
Standartlarga javob beruvchi korxonalar o‘z faoliyatini davom ettiradi, ishlab chiqarish bo‘yicha qoidalarni buzganlari esa yopiladi. Yevropada ekologik himoya tizimlari Xitoydagiga nisbatan keskinroq va shu sababli bu g‘arb korxonalarga ustunlik berishi mumkin.
Garchi g‘arb mamlakatlari Xitoydagi ushbu ijtimoiy reytingni qoralab, uni Jorj Oruellning “1984” antiutopiyasiga qiyoslayotgan bo‘lsa ham, Pekin bu yerda hech qanday g‘ayriinsoniylikni ko‘rmayapti. XXR hukumati bunday sxema odatiy kreditlarni qaytarish uchun ishlatiladigan kreditlashtirish tizimidan u qadar farq qilmaydi, deb hisoblamoqda.
Izoh (0)