АҚШнинг Флорида штатидаги мактаблардан бирида хавфсизликка масъул бўлган захирадаги офицер Дэннис Тёрнер ўз лавозимини суистеъмол қилгани сабаб ишдан ҳайдалди. У икки нафар олти ёшли болакайни ҳибсга олган, деб хабар берди Tjournal.
Орландо шаҳри полицияси раҳбари Орландо Ролоннинг сўзларига кўра Тёрнер лавозим йўриқномасига риоя қилмаган, полициячи 12 ёшдан кичик болаларни ҳибсга олиши учун раҳбарият бунга рухсат бериши лозим.
Тёрнер аввалига синфдошига тупурган қизчани ҳибсга олган. Кейинчалик худди шу мактабнинг ўзида бир болакайни ушлаган-у, узоқ вақт ўтмай яқинлари олдига қўйиб юборган.
Округ прокурори болалар сўроқ остига олинмаслигини билдирди. Қизчанинг тергов иши воқеанинг эртасига ёпилган. Болакай иши эса прокуратурага ҳужжатлар етиб келганидан кейин ёпилиши ваъда қилинмоқда.
Изоҳ (0)