Жиззах ва Самарқанд вилоятлари божхона бошқармаларининг бошлиқлари ўзгарди, дея хабар бермоқда Давлат божхона қўмитаси матбуот хизмати.
Божхона хизмати подполковниги Қаҳрамон Умаров Жиззах вилояти божхона бошқармаси бошлиғи лавозимига тайинланган. Бунгача Умаров Тошкент вилояти божхона бошқармаси бошлиғи ўринбосари лавозимида хизмат олиб бораётган эди.
Шунингдек, божхона хизмати полковниги Дониёр Юсупов Самарқанд вилояти божхона бошқармаси бошлиғи лавозимига тайинланган. Қайд этишларича, бунгача Юсупов Жиззах вилояти божхона бошқармаси бошлиғи лавозимида хизмат олиб борган.
Изоҳ (0)