Афғонистоннинг Парвон вилоятида мамлакат президенти Ашраф Ғанининг сайловолди тадбири вақтида портлаш амалга оширилди. Бу ҳақда Meduza хабар берди.
Полиция машинасига ўрнатилган бомба тадбир кириш жойи яқинида портлаган. Ҳодиса натижасида президент ва унинг атрофидаги масъулларга зарар етмаган, ҳалок бўлганлар сони 25 та, турли даражадаги тан жароҳати олган одамлар эса 31 нафарни ташкил этади.
Ҳозирча содир бўлган ушбу воқеа юзасидан ҳеч ким масъулиятни ўз зиммасига олгани йўқ.
Афғонистонда президентлик сайловлари 28 сентябрда бўлиб ўтиши режалаштирилган. Аввалроқ «Толибон» ҳаракати вакиллари сайловларни бузишга уринишини маълум қилганди.
Изоҳ (0)