Гондурас, Гватемала, Никарагуа ва Сальвадор электр таъминотида юз берган носозлик сабаб тўлиқ ёки қисман электр энергиясиз қолди. Бу ҳақда Гондурас энергетика компаниясига таяниб, «Коммерсантъ» хабар берди.
Компания маълумотларига кўра, глобал носозлик Никарагуа ҳудудида содир бўлган авария сабаб юзага келган. Минтақанинг барча мамлакатлари ягона электр узатиш тармоғи билан бирлашган. Ҳозирда мамлакатларнинг электр таъминотини тиклаш бўйича ишлар олиб борилмоқда.
Жорий йил бошидан буён Марказий Америка давлатларида бир неча бор электр энергиясида узилишлар кузатилган. Айниқса, Венесуэла ҳудудида авариялар кўп содир бўлган. Венесуэладаги йирик ГЭСда юз берган носозлик сабаб мамлакат электр энергиясиз қолганидан сўнг, Каракас содир бўлган воқеани теракт деб атаган ва унда АҚШни айблаган эди.
Изоҳ (0)