Август ойида Хитой саноатида ишлаб чиқариш 2018 йилнинг ушбу даврига нисбатан 4,4 фоизга ўсгани маълум бўлди. Бу Хитой саноатида ойлик кўрсаткичлар бўйича 2002 йилнинг февралидан буён кузатилган энг паст натижа ҳисобланади, деб хабар берди «Коммерсантъ».
Хитой миллий статистика бюроси томонидан эълон қилинган маълумотларга кўра, август ойидаги ўсиш июль ойига қараганда 0,4 фоизга секинлашган.
Хитой иқтисодиётида 17 йилдан буён биринчи бор қайд этилган бу каби паст кўрсаткичга АҚШ билан содир бўлаётган савдо уруши ва ички талабнинг пасайиши сабаб бўлган. Шунингдек, саноат кўрсаткичларининг пасайишига 1 октябрь куни Хитой республикаси ташкил этилганлигининг 70 йиллиги муносабати билан ишлаб чиқариш чекланганига боғлиқлиги айтилмоқда. Август ойида Хитойда чакана савдонинг ўсиши секинлашди ва таҳлилчилар тахмин қилган 7,9 фоизни эмас, 7,5 фоизни ташкил этди. Иккинчи чоракда Хитойнинг ялпи ички маҳсулоти сўнгги 30 йил ичида энг паст— 6,2 фоиз ўсишни кўрсатди.
Изоҳ (0)