Майор Илҳом Файзуллаев Тошкент шаҳар ИИББ Ташкилий бошқармаси бошлиғи этиб тайинланди. Бу ҳақда пойтахт ИИББ матбуот хизмати хабар бермоқда.
Илҳом Файзуллаев 1981 йил Бухоро вилоятида туғилган. 2003 йилда Тошкент давлат юридик институти (ҳозирги Тошкент давлат юридик университети)ни тамомлаган. Ички ишлар органларида хизматни 2008 йилда Юнусобод тумани ИИБ (ҳозирги Юнусобод тумани ИИО ФМБ) Тергов бўлими терговчиси сифатида бошлаган.
2010—2016 йилларда Юнусобод тумани ИИБ Тергов бўлими бўлинмасининг катта терговчиси, ўта муҳим ишлар бўйича катта терговчи бўлиб хизмат қилган. 2016 йилдан 2017 йилнинг май ойигача Миробод тумани ИИБ (ҳозирги Миробод тумани ИИО ФМБ) Тергов бўлими бўлинмасига бошлиқ бўлган. 2017 йил майидан 2018 йил мартига қадар Чилонзор тумани ИИО ФМБ ҳузуридаги Тергов бўлими бошлиғи ўринбосари — суриштирув бўлинмаси бошлиғи сифатида ишлаган.
2018 йил мартидан 2019 йилнинг апрелигача Тошкент шаҳар ИИББ Тергов бошқармаси бўлими бошлиғи, Тошкент шаҳар Юнусобод тумани бўйича ИИО ФМБ 8-сон Ички ишлар бўлими Тергов бўлинмаси бошлиғи, Тошкент шаҳар Юнусобод тумани бўйича ИИО ФМБ 4-сон ички ишлар бўлими Тергов бўлинмаси бошлиғи лавозимларида хизмат олиб борган.
2019 йилнинг апрель ойидан августга қадар Шайхонтоҳур тумани ИИО ФМБ бошлиғи ўринбосари — ТБ тергов бўлинмалари фаолиятини таҳлил қилиш бўлинмаси бошлиғи сифатида ишлаган.
Аввалроқ подполковник Дилмурод Мирсодиқов Тошкент шаҳар ИИББ Тергов бошқармаси бошлиғи ўринбосари, подполковник Аҳмаджон Фозилов эса пойтахт ИИББнинг Молиявий ва моддий-техникавий таъминоти бошлиғи ўринбосари этиб тайинлангани ҳақида хабар берилган эди.
Изоҳ (0)