Гонконгга ташриф буюрувчи сайёҳлар сони август ойида 40 фоизга камайди. «Коммерсанть»нинг хабар беришича, бу ҳақда Гонконг молия котиби Пол Чжань маълум қилди.
У туристлар оқимининг камайишини 3 ойдан бери давом этаётган норозилик намойишлари билан боғлаган.
«Сўнгги ойлардаги ижтимоий омиллар, аниқса полиция билан намойишчилар ўртасидаги тўқнашувлар, аэропорт ва йўлларнинг ёпилиши Гонконгнинг хавфсиз шаҳар, тижорат, авиация ва молиявий марказ сифатидаги халқаро обрўсига жиддий зарар етказди. Шунингдек, маҳаллий иқтисодиётга, хусусан, туризмга таъсир кўрсатди», — деган Чжань ўзининг блогида.
Норозилик намойишлари экстрадиция тўғрисидаги қонун сабаб ўтказилмоқда. Намойишчиларнинг фикрига кўра, ушбу қонун Хитойдан Гонконгга қочган диссидентларга қарши қаратилган. Гонконг маъмурияти раҳбари Кэрри Лам 4 сентябрь куни ушбу қонун лойиҳасини қайтариб олди. Шунга қарамай, намойишчилар митингни тўхтатмаяпти.
Изоҳ (0)