Ўзбекистонда чипталарни онлайн сотадиган E-ticket сайти янгиланди. E-ticket орқали ички ва халқаро темир йўл чиптасини масофадан харид қилиш мумкин бўлади. Бу ҳақда «Ўзбекистон темир йўллари» матбуот хизмати хабар бермоқда.
Маълум қилинишича, электрон чипта нархлари темир йўл кассаларидаги нархлардан арзонроқ бўлади. Бундан ташқари, энди чипталарни онлайн равишда қайтариш имконияти ҳам бор.
Сайт интерфейси осон ва қулай ишланган бўлиб, мобил телефонлар учун ҳам оптималлаштирилган.
Ички йўналишларга электрон чипталарни ўзингиз А4 шаклида чоп этиб олишингиз керак бўлади. Электрон чиптанинг қоғоз нусхаси станция ва вокзалларга киришда ва инспектор томонидан ўтказиладиган текширишда ҳамда муҳр қўйдиришда керак бўлади.
Электрон чипталарни сотиб олишда вақтинча фақат миллий тўлов тизимининг карталари қабул қилинади, кейинчалик Visa ҳамда MasterCard қабул қилиниши мумкин.
Изоҳ (0)