Сирдарё вилоятининг Янгиер шаҳрида 31 август куни соат 18:40 да «Нива» ва Nexia автомобиллари иштирокида йўл-транспорт ҳодисаси содир бўлди, дея хабар бермоқда ИИВ.
Ховос туманида яшовчи 32 ёшли Т.А. «Нива»ни Пахтакор ва Тинчлик кўчалари чорраҳасида бошқариб кетаётиб, шу туманда яшовчи 60 ёшли К.Б. бошқарувидаги Nexia билан тўқнашув содир этган.
Оқибатда Nexia’нинг икки йўловчиси жароҳат олиб, касалхонага ётқизилган. «Ҳолат юзасидан дастлабки терговолди ҳаракатлари олиб борилмоқда», — дея қўшимча қилинган ИИВ ахборотида.
Аввалроқ Самарқанд вилоятининг Каттақўрғон туманида юз берган ЙТҲ оқибатида икки киши ҳалок бўлгани ҳақида хабар берилган эди.
Маълумот учун, 2018 йилда Ўзбекистон йўлларида юз берган йўл-транспорт ҳодисалари оқибатида 2262 киши ҳалок бўлган (2017 йилда қурбонлар сони 2473 нафар эди). Уларнинг 1031 нафари пиёдалардир.
Изоҳ (0)