Sirdaryo viloyatining Yangiyer shahrida 31-avgust kuni soat 18:40 da “Niva” va Nexia avtomobillari ishtirokida yo‘l-transport hodisasi sodir bo‘ldi, deya xabar bermoqda IIV.
Xovos tumanida yashovchi 32 yoshli T.A. “Niva”ni Paxtakor va Tinchlik ko‘chalari chorrahasida boshqarib ketayotib, shu tumanda yashovchi 60 yoshli K.B. boshqaruvidagi Nexia bilan to‘qnashuv sodir etgan.
Oqibatda Nexia’ning ikki yo‘lovchisi jarohat olib, kasalxonaga yotqizilgan. “Holat yuzasidan dastlabki tergovoldi harakatlari olib borilmoqda”, — deya qo‘shimcha qilingan IIV axborotida.
Avvalroq Samarqand viloyatining Kattaqo‘rg‘on tumanida yuz bergan YTH oqibatida ikki kishi halok bo‘lgani haqida xabar berilgan edi.
Ma’lumot uchun, 2018-yilda O‘zbekiston yo‘llarida yuz bergan yo‘l-transport hodisalari oqibatida 2262 kishi halok bo‘lgan (2017-yilda qurbonlar soni 2473 nafar edi). Ularning 1031 nafari piyodalardir.
Izoh (0)