Сурхондарё вилояти Олтинсой тумани ёнғин-қутқарув қисмига 31 август куни соат 16:53 да А.Бўтаев МФЙда жойлашган «Жарқўрғон сервис» МЧЖга қарашли автомобилларга газ тўлдириш компрессор шохобчасида Damas ёнаётганлиги ҳақида хабар келиб тушган.
Давлат ёнғин хавфсизлиги хизматининг хабар беришича, 2 та ёнғин ўчириш бўлинмалари чақирилган манзилга соат 17:00 да етиб борган ва соат 17:03 да ёнғин ўчирилган.
Ҳодиса оқибатида Damas автомобили тўлиқ ёниб зарарланган. Тан жароҳати олганлар ва ҳалок бўлганлар йўқ.
Ёнғинга автомобилга сиқилган газни тўлдиргандан сўнг газ шланги узилмасдан автомобилнинг ҳаракатланиб кетиши сабаб бўлган деб тахмин қилинмоқда.
Изоҳ (0)