Ўзбекистон ички ишлар органларининг миграция ва фуқароликни расмийлаштириш хизматлари томонидан дам олиш кунлари — 31 август ва 1 сентябрда 12 558 нафар фуқарога хизмат кўрсатилди, дея хабар бермоқда ИИВ.
Хусусан, шу икки кунда 1 662 нафар фуқаро биометрик ва хорижга чиқиш паспортини олиш учун мурожаат қилган, айни вақтда 3 606 нафар фуқарога биометрик ва хорижга чиқиш паспортлари тақдим этилган.
31 август—1 сентябрь кунлари чет эл фуқароси бўлган ёки фуқаролиги бўлмаган 1039 нафар шахс вақтинча прописка қилиш юзасидан мурожаат қилган бўлса, 2 016 нафар фуқаро манзил-маълумот бюросидан текширилган.
Шунингдек, дам олиш кунлари 3 055 нафар фуқаро прописка қилиш юзасидан, 1 180 нафар фуқаро эса пропискадан чиқариш юзасидан ички ишлар органларининг миграция ва фуқароликни расмийлаштириш хизматларига мурожаат қилган.
Изоҳ (0)