O‘zbekiston ichki ishlar organlarining migratsiya va fuqarolikni rasmiylashtirish xizmatlari tomonidan dam olish kunlari — 31-avgust va 1-sentabrda 12 558 nafar fuqaroga xizmat ko‘rsatildi, deya xabar bermoqda IIV.
Xususan, shu ikki kunda 1 662 nafar fuqaro biometrik va xorijga chiqish pasportini olish uchun murojaat qilgan, ayni vaqtda 3 606 nafar fuqaroga biometrik va xorijga chiqish pasportlari taqdim etilgan.
31-avgust—1-sentabr kunlari chet el fuqarosi bo‘lgan yoki fuqaroligi bo‘lmagan 1039 nafar shaxs vaqtincha propiska qilish yuzasidan murojaat qilgan bo‘lsa, 2 016 nafar fuqaro manzil-ma’lumot byurosidan tekshirilgan.
Shuningdek, dam olish kunlari 3 055 nafar fuqaro propiska qilish yuzasidan, 1 180 nafar fuqaro esa propiskadan chiqarish yuzasidan ichki ishlar organlarining migratsiya va fuqarolikni rasmiylashtirish xizmatlariga murojaat qilgan.
Izoh (0)