Президент Шавкат Мирзиёев 31 август куни эрта тонгда Тошкентдаги «Шаҳидлар хотираси» хиёбонига ташриф буюриб, қатағон қурбонларини ёд этиш маросимида иштирок этди. Шундан сўнг Мустақиллик майдонига ташриф буюриб, Мустақиллик ва эзгулик монументи пойига гулчамбар қўйди.

Сўнг Кўксаройда бир гуруҳ ватандошлар ва хорижликларга фахрий унвонлар, орден ва медалларни топширди. Якунда «Ўзбекистон» халқаро анжуманлар саройида мустақилликнинг 28 йиллигига бағишлаб ташкил этилган асосий байрам тадбирида қатнашиб, нутқ сўзлади.

Президент матбуот хизмати давлат раҳбари 31 августни қандай ўтказгани ҳақида видео тайёрлади ва ўзбекистонликларни Мустақиллик байрами билан қутлади.