БМТ бош котиби Шавкат Мирзиёев ва Ўзбекистонни Мустақиллик куни билан табриклади

Ўзбекистон Мустақиллигининг 28 йиллиги муносабати билан Президент Шавкат Мирзиёев номига хорижий давлатлар ва ҳукуматлар, нуфузли халқаро ташкилотлар раҳбарларидан самимий қутловлар келмоқда. Президент матбуот хизматининг қайд этишича, уларда Шавкат Мирзиёевга мустаҳкам соғлик, омонлик ва муваффақиятлар, Ўзбекистон халқига эса тинчлик-осойишталик, тараққиёт ҳамда фаровонлик тилаклари билдирилган.

Жумладан, БМТ бош котиби Антониу Гутерришнинг табрикномасида шундай дейилади:

Ўзбекистон Республикаси Президенти Шавкат Мирзиёев Жаноби Олийларига

Жаноби Олийлари!

Мустақиллик куни муносабати билан Ўзбекистон халқига энг самимий табрикларимни билдириш менга катта мамнуният бағишлайди.

Биз халқаро ҳамкорлик ҳар қачонгидан ҳам зарур бўлган мураккаб даврда яшамоқдамиз. Биз, Халқлар, тинчлик, барқарор тараққиёт ва инсон ҳуқуқларини таъминлаш йўлида виждон билан бирлашсак, бутун дунё бундан ютади.

Ушбу байрам кунида мамлакатингиз Бирлашган Миллатлар Ташкилотини мустаҳкамлашга кўмаклашиш ҳамда барча учун ёрқин келажакка эришиш борасидаги умумий саъй-ҳаракатларимизни илгари суришда фаол иштирок этади, деган умиддаман.

Жаноби Олийлари, Сизга бўлган юксак эҳтиромимни қабул қилгайсиз.

Антониу Гутерриш, Бирлашган Миллатлар Ташкилоти Бош котиби

Шунингдек, Хитой раҳбари Си Сзинпин, Россия президенти Владимир Путин, АҚШ президенти Дональд Трамп, Жанубий Корея президенти Мун Чже Ин, Ҳиндистон бош вазири Нарендра Моди, Қозоғистон биринчи президенти Нурсултон Назарбоев, Қозоғистон президенти Қосим-Жўмарт Тўқаев, Туркманистон президенти Гурбангули Бердимуҳамедов, Тожикистон президенти Эмомали Раҳмон, Қирғизистон президенти Сўронбой Жээнбеков, Озарбайжон президенти Илҳом Алиев, Беларусь президенти Александр Лукашенко, Украина президенти Владимир Зеленский, Молдова президенти Игор Додон, Арманистон бош вазири Никол Пашинян, Буюк Британия қироличаси Елизавета Иккинчи, Германия президенти Франк-Валтер Штайнмаер, Франция президенти Эммануэл Макрон, Италия президенти Сержо Маттарелла, Испания қироли Фелипе Олтинчи, Бельгияликлар қироли Филипп, Австрия президенти Александр Ван дер Беллен, Болгария президенти Румен Радев, Венгрия президенти Янош Адер, Португалия президенти Марсело ди Соза, Руминия президенти Клаус Вернер Ёханнис, Словакия президенти Зузана Чапутова, Чехия президенти Милош Земан, Швейцария президенти Ули Маурер, Япония императори Нарухито, Сингапур президенти Халима Ёқуб, Индонезия президенти Жоко Видодо, Малайзия подшоҳи Ал Султон Абдуллоҳ Риаятуддин ал-Мустафо Биллоҳ Шоҳ, Саудия Арабистони подшоҳи Салмон бин Абдулазиз Ол Сауд, Иордания подшоҳи Абдулла Иккинчи, Ҳиндистон президенти Рам Натх Ковинд, Туркия президенти Ражаб Тоййиб Эрдўғон, Покистон президенти Ориф Алвий, Покистон бош вазири Имрон Хон, Эрон президенти Ҳасан Руҳоний, БАА президенти Шайх Халифа бин Зоид Ол Наҳаён, Жазоир муваққат президенти Абдулқодир ибн Салоҳ, Бангладеш президенти Абдул Ҳамид, Бангладеш бош вазири Шайха Ҳасина, Фаластин президенти Маҳмуд Аббос, Афғонистон бош вазири Абдулла Абдулла, Саудия Арабистони подшоҳлиги валиаҳди Салмон бин Абдулазиз Ол Сауд, БАА вице-президенти, Дубай амири Шайх Муҳаммад бин Рошид Ол Мактум, БАА Қуролли кучлари бош қўмондони ўринбосари, Абу-Даби амирлиги валиаҳди Шайх Муҳаммад бин Зоид Ол Наҳаён, БАА ички ишлар вазири Сайф бин Зоид Ол Наҳаён, МДҲ Ижроия қўмитаси раиси — Ижрочи котиби Сергей Лебедев, БМТнинг Озиқ-овқат ва қишлоқ хўжалиги ташкилоти бош директори Сюй Дунъюй, Жаҳон божхона ташкилоти бош котиби Кунио Микурия, Ислом ҳамкорлиги ташкилоти бош котиби Юсуф ал-Усаймин, Рим-католик черкови раҳбари Франсиск ҳам ўз қутловларини йўллаган.

«Қутловлар келиши давом этмоқда», — дейилади Президент матбуот хизмати ахборотида.