Эроннинг Семнан вилоятида жойлашган космик марказнинг учириш майдончасида ракета портлаб кетди, деб хабар беради Meduza.
Associated Press агентлигининг сунъий йўлдошдан олинган суратларга таяниб маълум қилишича, ҳудудда қора тутун ва ракетанинг ёнган қисмлари кўринган.
Эрон шу кунларда Nahid 1 сунъий йўлдоши ўрнатилган ракетани учиришни режалаштираётган эди. Портлаш ушбу ракетага боғлиқ ёки боғлиқмаслиги ҳозирча номаълум.
Агентликнинг таъкидлашича, бу Эрон томонидан жорий йилда учинчи маротаба ракеталарнинг муваффақиятсиз учирилиши ҳисобланади.
Эрон ҳукумати мазкур ҳолатга изоҳ бермаган.
Изоҳ (0)