Америкалик пойгачи ва телебошловчи 39 ёшли Жесси Комбс Орегондаги автоҳалокатда вафот этди, деб ёзмоқда Meduza.
Воқеа 27 август куни реактив автомобилда ўз рекордини янгиламоқчи бўлганида содир бўлган. Синов Алворда кўлининг қуриган тубида ўтказилган. Комбс соатига қарийб 996 километр тезликда ҳайдашга уринган.
The Washington Post газетасида ёзилишича, Жесси Комбсни «тўрт ғилдиракдаги энг тезкор аёл» деб аташган. 2013 йилнинг октябрида соатига 632 километр тезликда ҳайдаб, аёллар ўртасида 48 йил давомида ўзгармаган рекордни янгилади. 2016 йилда эса у соатига 796 километр ҳайдаб, ўз рекордини янгилаган эди. 2018 йилда соатига 777 километр тезликда ҳайдаган, лекин бу натижа расман ҳисобга олинмаган.
Жесси Комбс All Girls Garage, Overhaulin, Xtreme 4x4 теледастурларидаги фаолияти билан танилган.
Изоҳ (0)