4 август куни соат 18:30 ларда Бухоро вилояти Жондор тумани ҳудудидан ўтган А-380 «Ғузор—Бухоро—Нукус—Бейнеу» автомобиль йўлининг 299-километрида ағдарилиб кетди. Бу ҳақда ИИВ Йўл ҳаракати хавфсизлиги бош бошқармаси хабар қилди.
Қозоғистон республикаси фуқароси, Туркистон вилояти Чимкент шаҳрида яшовчи 1978 йилда туғилган А.Р Van Hool русумли, КЗ 545 АПБ 13 давлат рақами белгили автобусини бошқариб бораётиб, номаълум сабабларга кўра бошқарувни йўқотган ва автобус йўл четига ағдарилган.
Ушбу йўл-транспорт ҳодисаси натижасида автобусдаги йўловчилардан бири воқеа жойида ҳалок бўлган. 10 нафар йўловчи турли даражадаги тан жароҳатлари билан касалхонага ётқизилган. Қозоғистон республикаси фуқароси А.Р бошқарувидаги Van Hool русумли, КЗ 545 АПБ 13 давлат рақам белгили автобус «Олмаота—Нукус» халқаро йўналишида йўловчи ташиш фаолиятини амалга оширган.
Ҳозирда мазкур йўл-транспорт ҳодисасининг келиб чиқиш сабаблари ўрганилиб, дастлабки суриштирув ишлари олиб борилмоқда.
Изоҳ (0)