4 августга куни соат 3:05 да 102 рақамига Mazda-3 русумли оқ рангли автомобиль ўғирланганлиги ҳақидаги хабар келиб тушди. Бу ҳақда ИИББ матбуот хизмати хабар бермоқда.
Ҳайдовчи, 26 ёшли У.Д. машинасини Юнусобод туманининг 11-даҳаси, 34-сон турар-жой биноси ёнида қолдирган. Машина шаҳарнинг бошқа четида топилиб, эгасига қайтариб берилди.
Автомобиль ўғирланган ҳудудда ўрнатилган кузатув камералари ўғирликка алоқадорлиги бўлиши мумкин бўлган шахсларнинг юзларини видеога тушириб олган. Уларни таниганлардан ички ишлар идоралари ёки 102 рақамига хабар беришлари сўралган.
Изоҳ (0)