Москванинг Тверь суди судьяси Мария Сизинцева Приморье ўлкасидан бўлган бизнесмен Дмитрий Шалайни икки йил умумий режим колониясида жазони ўташи бўйича ҳукм чиқарди, деб хабар беради Meduza.
Дмитрий Шалай Кремль яқинида бомба портлатиш билан қилган таҳдиди сабаб безориликда айбдор деб топилди. Шалай мамлакат президенти ёки Росгвардия раҳбари билан учрашишни талаб қилганди.
Прокурор Шалай учун уч йил қамоқ жазосини сўраган. 2018 йилнинг октябридан буён тергов изоляторида (СИЗО) сақланиб келаётган бизнесмендан ҳукмда келтирилган муддат олиб ташланади.
2018 йилнинг 3 октябрида Шалай ўзининг Mercedes йўлтанламасида Кремль майдонига бостириб кирган. Тез орада унинг олдига Росгвардия раҳбари Виктор Золотов етиб келиб, шахсан ўзи машина ичидаги бомба ва газ баллонни олган эди.
Изоҳ (0)