Франция жанубидаги ўрмон ёнғинларини ўчириш учун юборилган самолёт фалокатга учради, деб хабар беради «Korrespondent.net».
BFMТВ маълумотларига кўра, самолёт Женерак шаҳри ҳудудига қулаб тушган. Самолётни бошқарган учувчи ҳалок бўлгани айтилмоқда.
Авиафалокат жойида қутқарувчилар жамоаси иш олиб бормоқда. Самолёт нима сабабдан қулагани ҳозирча номаълум.
https://twitter.com/MeteoLanguedoc/status/1157319677363834882
Таъкидланишича, Гар департаментидаги ёнғинлар ўтган ҳафта бошланган. Ёнғин дастлаб ўчирилган, бироқ 2 август куни Ним шаҳри яқинидаги ҳудудларнинг ўнлаб нуқталари яна аланга олган.
Ўт ўчирувчиларнинг саъй-ҳаракатларига қарамай, ёнғин бир кунда 130 гектар жойнинг кулини кўкка совурган.
Изоҳ (0)