Fransiyada o‘rmon yong‘inini o‘chirish uchun havoga ko‘tarilgan samolyot falokatga uchradi (video)

Fransiya janubidagi o‘rmon yong‘inlarini o‘chirish uchun yuborilgan samolyot falokatga uchradi, deb xabar beradi “Korrespondent.net”.

BFMTV ma’lumotlariga ko‘ra, samolyot Jenerak shahri hududiga qulab tushgan. Samolyotni boshqargan  uchuvchi halok bo‘lgani aytilmoqda.

Aviafalokat joyida qutqaruvchilar jamoasi ish olib bormoqda. Samolyot nima sababdan qulagani hozircha noma’lum.

🔴🔴 INFORMATION DRAMATIQUE : CRASH D'UN AVION BOMBARDIER D'EAU 🔴🔴

Il y a plusieurs minutes que nous avons reçu l'information mais nous souhaitions la vérifier avant de la publier. Un canadair s'est écrasé sur l'incendie de Générac.
Vidéo: Julien Lea Coste pour @MeteoLanguedoc pic.twitter.com/o6kViCw5Dk

— Météo Languedoc (@MeteoLanguedoc) August 2, 2019

Ta’kidlanishicha, Gar departamentidagi yong‘inlar o‘tgan hafta boshlangan. Yong‘in dastlab o‘chirilgan, biroq 2-avgust kuni Nim shahri yaqinidagi hududlarning o‘nlab nuqtalari yana alanga olgan.

O‘t o‘chiruvchilarning sa’y-harakatlariga qaramay, yong‘in bir kunda 130 gektar joyning kulini ko‘kka sovurgan.