Футбол бўйича Ўзбекистон Суперлигасининг 15-тури доирасида 31 июль, чоршанба куни дастлабки 2 та учрашув бўлиб ўтди.
Куннинг дастлабки ўйинида Вадим Абрамов қўл остидаги Тошкентнинг «Бунёдкор» клуби ўз майдонида Термизнинг «Сурхон» жамоасини қабул қилди.
Беллашув давомида «қалдирғочлар» аъзолари Жавоҳир Қаҳрамонов (36), Санжар Қодирқулов (74) ҳамда Нурилло Тўхтасинов (90) урган голлар «Бунёдкор»га «Сурхон» устидан йирик ҳисобдаги ғалабани тақдим этди (3:0).
Мазкур ғалабадан сўнг тошкентликлар 27 очко жамғариб, мусобақа жадвалида 3-ўринга кўтарилиб олди. «Сурхон» эса 21 очко билан 7-ўринни эгаллаб турибди.
Олмалиқнинг ОКМК клуби «Андижон»га қарши майдонга тушди.
Ўйинда Андижон клуби вакиллари Қаҳрамон Баҳодиров (51) ва Шаҳзод Убайдуллаев (67) урган голларга олмалиқликлар Зафар Полвонов (71) ҳамда Элгужа Григалашвилининг (81) голи билан жавоб қайтарди.
Шу тариқа ОКМК ўз уйида «Андижон» билан 2:2 ҳисобида дуранг ўйнади ва жамоалар бир очкодан бўлишиб олди.
Маълумот учун, айни дамда ҳар икки жамоа ҳисобида ҳам 12 очкодан мавжуд. ОКМК мусобақа жадвалида 11, «Андижон» эса 12-ўринларни банд қилиб турибди.
Coca-Cola Суперлигаси
15-тур баҳслари
31 июль, чоршанба
«Бунёдкор»—«Сурхон» 3:0
Голлар: 1:0 — 36 Қаҳрамонов, 2:0 — 74 Қодирқулов, 3:0 — 90 Тўхтасинов«Бунёдкор»: Мурод Зухуров, Анвар Ғофуров, Дилшод Аҳмадалиев, Хуршид Ғиёсов (Дмитрий Островский, 82), Лутфулла Тўраев, Миржаҳон Мираҳмадов (Жасурбек Жалолиддинов, 87), Санжар Қодирқулов, Нурилло Тўхтасинов, Санжар Рихсибоев (Жавоҳир Қаҳрамонов, 34), Евген Чумак, Абдулла Абдуллаев
«Сурхон»: Асилбек Омонов, Абдуқаҳҳор Ҳожиакбаров, Шоҳназар Норбеков (Раҳматилло Бердимуродов, 46), Шавкат Саломов, Абдулазиз Юсупов, Аброрбек Исмоилов (Суҳроб Неъматов, 76), Элдор Бойматов (Азамат Алланиязов, 66), Владимир Бубаня, Ҳусниддин Ғофуров, Аъзамжон Алиев, Дарко Станоевич
Огоҳлантиришлар: Лутфулла Тўраев (44), Элдор Бойматов (54), Санжар Қодирқулов (72)
ОКМК—«Андижон» 2:2
Голлар: 0:1 — 51 Баҳодиров, 0:2 — 67 Убайдуллаев, 1:2 — 71 Полвонов, 2:2 — 81 ГригалашвилиОКМК: Суҳроб Султонов, Сайдулло Раҳматов (Жасур Ҳакимов, 57), Власдислав Касминин, Бобур Йўлдошев, Акмал Шораҳмедов, Эркин Байдуллаев, Миржамол Қосимов (Мурод Тошматов, 46), Дилшод Жўраев (Жасур Умаров, 46), Элгужа Григалашвили, Зафар Полвонов, Санъат Шихов
«Андижон»: Руслан Матниёзов, Жалил Кимсанов, Илдар Маматказин, Алексич Радосав, Аброр Ҳусинов, Фарҳод Бекмуродов, Дилшод Раҳматуллаев, Сардорбек Азимов, Абдураҳмон Абдулҳақов (Қаҳрамон Баҳодиров, 50) (Ойбек Қиличев, 67), Шаҳзодбек Убайдуллаев (Роббим Ҳасанов, 74), Рўзимбой Аҳмедов
Огоҳлантиришлар: Жалил Кимсанов (76)
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)