30 июль, сешанба куни футбол бўйича Ўзбекистон Суперлигасининг 15-турида Жиззахнинг «Сўғдиёна» клуби «Қўқон-1912» майдонига сафар қилди.
Учрашувнинг 1-дақиқасидаёқ Жиззах клуби ҳужумчиси Иван Нагаев ҳисобни очган бўлса, орадан 7-дақиқа ўтиб ҳакам томонидан Милан Митрович қўриқлаётган дарвоза томон пеналти белгиланди. Ундан «Қўқон-1912» клуби ҳимоячиси Мурод Холмуҳаммедов унумли фойдаланди (1:1). 63-дақиқага келиб «Сўғдиёна» ҳимоячиси Кахи Маҳарадзе Шоҳруз Норхонов узатган тўпни рақиб дарвозаси тўрига жойлаб қўйди (2:1).
Шу тариқа жиззахликлар меҳмонда кечган баҳсда «Қўқон-1912» клубини 2:1 ҳисобида мағлубиятга учратди ва муҳим 3 очкога эга бўлди.
Ушбу ғалабадан сўнг «Сўғдиёна» очколари сонини 23 тага етказиб, мусобақа жадвалида 5-ўринга кўтарилди. Қўқон клуби эса 8 очко билан сўнгги ўринда бормоқда.
Coca-Cola Суперлигаси
15-тур баҳслари
30 июль, сешанба куни
«Қўқон-1912»—«Сўғдиёна» 1:2
Голлар: 0:1 — 1 Иван Нагаев, 1:1 — 8, пеналти, Мурод Холмуҳаммедов, 1:2 — 63 Кахи Маҳарадзе«Қўқон-1912»: Ислом Абдуллаев, Собит Синдоров, Жамшид Ҳасанов (Хожимат Эркинов, 61), Қувондиқ Рўзиев, Аваз Маматхўжаев, Суҳроб Бердиев, Иқбол Маликжонов, Шаҳбоз Эркинов (Тимур Ҳакимов, 70), Александр Мерзляков, Марко Милич, Мурод Холмуҳаммедов
«Сўғдиёна»: Милан Митрович, Сардор Қулматов, Элёр Орифов, Кахи Маҳарадзе (Сирож Мелиев, 88), Санжар Рашидов, Шоҳруз Норхонов (Иззатилла Абдуллаев, 68), Жамшид Болтабоев (Шаҳбоз Жўрабеков, 46), Жасур Ҳасанов, Иван Нагаев, Никола Милинкович, Шерзод Файзиев
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)