Бразилиянинг Альтамира шаҳридаги қамоқхонада юз берган можаро оқибатида камида 52 киши ҳалок бўлди. Бу ҳақда «Korrespondent.net» хабар бермоқда.
Нонушта пайти қамоқхонадаги икки рақобатчи гуруҳ ўртасидаги тортишув оммавий муштлашувга айланиб кетди. Можаро давомида маҳбуслар қамоқхонанинг икки ходимини асир ҳам олди, лекин кейинчалик уларни қўйиб юборди.
Ҳалок бўлганларнинг барчаси маҳбуслар. Улардан 16 нафарининг боши танасидан жудо қилинган. Қолганлари маҳбусларнинг ўзи уюштирган ёнғин давомида тутундан бўғилиб ўлган.
Можаро 5 соатга яқин давом этгани билдирилмоқда.
Изоҳ (0)