Braziliyaning Altamira shahridagi qamoqxonada yuz bergan mojaro oqibatida kamida 52 kishi halok bo‘ldi. Bu haqda “Korrespondent.net” xabar bermoqda.
Nonushta payti qamoqxonadagi ikki raqobatchi guruh o‘rtasidagi tortishuv ommaviy mushtlashuvga aylanib ketdi. Mojaro davomida mahbuslar qamoqxonaning ikki xodimini asir ham oldi, lekin keyinchalik ularni qo‘yib yubordi.
Halok bo‘lganlarning barchasi mahbuslar. Ulardan 16 nafarining boshi tanasidan judo qilingan. Qolganlari mahbuslarning o‘zi uyushtirgan yong‘in davomida tutundan bo‘g‘ilib o‘lgan.
Mojaro 5 soatga yaqin davom etgani bildirilmoqda.
Izoh (0)