АҚШ президенти Дональд Трамп 2020 йилнинг ноябрида ўтказиладиган президентлик сайловларига қадар америкалик ҳарбийларни Афғонистондан олиб чиқиб кетиш ниятида, деб хабар беради «Лига.Новости».
АҚШ давлат котиби Майкл Помпеонинг сўзларига кўра, Трамп «охири йўқ урушни тўхтатиш» ва қўшинларни олиб чиқиб кетиш бўйича кўрсатма берган.
АҚШ ҳарбий хизматчилари 2001 йилнинг октябридан буён Афғонистонда. Айни вақтда у ерда 14 мингга яқин америкалик аскар ва офицерлар борлиги маълум.
Вашингтон Афғонистонда тинчликни таъминлаш йўлида 2018 йилнинг июлидан бери «Толибон» радикал афғон ҳаракатининг юқори ваколатли вакиллари билан тўғридан-тўғри музокалар ўтказмоқда. Музокаларнинг асосий мавзуси — хорижлик ҳарбийларни мамлакат ҳудудидан олиб чиқиб кетиш ва Афғонистоннинг террорчилик гуруҳлари учун «бандаргоҳ»га айланиб қолмаслигини таъминлаш.
Июль ойининг бошида Толибон АҚШ билан қатор масалаларда келишувга эришганини маълум қилганди.
Изоҳ (0)