Олий ва ўрта махсус таълим вазирлигининг 24 июлдаги буйруғи асосида Ажиниёз номидаги Нукус давлат педагогика институтининг Элликқалъа педагогика факультети ташкил этилди. Бу ҳақда «Дарё»га институт матбуот хизмати маълум қилди.
Факультет Элликқалъа туманида жойлашган Қорақалпоқ давлат университети қошидаги Бўстон академик лицейида ўз фаолиятини бошлайди.
Буйруқ асосида лицей бино ва иншоотлари тегишли ҳудуди ва мол-мулклари билан биргаликда факультетга ўтказилади.
Нукус давлат педагогика институти янгидан ташкил этилаётган факультетда таълим жараёнини ташкил этиш, Элликқалъа тумани ва унга яқин ҳудудларда яшовчи талабалардан иборат гуруҳлар ташкил этиш ва мазкур гуруҳларни факультетга бириктириш, факультетни малакали профессор-ўқитувчилар билан таъминлаш, моддий-техник базасини мустаҳкамлаш бўйича ишларни олиб боради.
Изоҳ (0)