Япония Мудофаа вазирлиги АҚШ билан бирга КХДРнинг янги ракетларини тутиш усулларини ишлаб чиқиш ниятида, деб хабар бермоқда «ТАСС». Чунки улар Япония ҳудудига етиб бориши мумкин ва тутиш учун мураккаб траектрорияда ҳаракатланади.
Таъкидланишича, КХДРнинг яқинда учирилган ракетасини ўрганган Япония Мудофаа вазирлиги, улар оддий баллистик ракеталарга хос бўлмаган пастроқ баландликда учишини аниқлаган. Бу эса, ўз навбатида уларни ушлашда қийинчилик туғдириши мумкин.
Шу сабабли Япония Мудофаа вазирлиги ўз миллий хавфсизлигига таҳдид қилувчи бу янги хавфга қарши курашда АҚШ билан ҳамкорлик қилишни режалаштирмоқда.
Эслатиб ўтамиз, Шимолий Корея 25 июль куни Япон денгизи томонга икки ракета учирган эди. Уларнинг иккаласи ҳам Япон денгизига қулаган.
Изоҳ (0)