Париж суди Sonia Rykiel модалар уйини зудлик билан ёпиш ҳақида ҳукм чиқарди

Парижда Sonia Rykiel модалар уйи ёпилади, деб хабар бермоқда Meduza. Суд компанияни сотиб олиш бўйича охирги аризани рад этган.

Хабарда айтилишича, суд модалар уйини сотиб олмоқчи бўлган Lévy компанияси таклифини рад этган. Бундан қарордан сўнг суд залида бўлган Sonia Rykiel ходимларининг бир нечтаси йиғлаб юборган.

Компанияни тугатиш доирасида Sonia Rykiel’нинг 10 та дўконлари ёпилади. Компаниянинг архиви ва интеллектуал мулки эса сотилади. Таъкидланишича, агар савдо белгисига харидор чиқса, у сақлаб қолиниши мумкин.

Апрель ойида Sonia Rykiel эгаси банкротликдан ҳимоя қилиш мақсадида судга мурожаат қилган ва бу доирада компанияни сотиб олиш бўйича бир неча таклифлар кўриб чиқилган.

Маълумот учун, Sonia Rykiel савдо белгисига 1968 йилда фрунсуз моделери Sonyа Рикел томонидан асос солинган. Компания асосчиси 2016 йилда вафот этганидан сўнг модалар уйида савдо ҳажмининг кескин пасайиши оқибатида молиявий қийинчиликлар бошланган.