Yaponiya Mudofaa vazirligi AQSh bilan birga KXDRning yangi raketlarini tutish usullarini ishlab chiqish niyatida, deb xabar bermoqda “TASS”. Chunki ular Yaponiya hududiga yetib borishi mumkin va tutish uchun murakkab trayektroriyada harakatlanadi.
Ta’kidlanishicha, KXDRning yaqinda uchirilgan raketasini o‘rgangan Yaponiya Mudofaa vazirligi, ular oddiy ballistik raketalarga xos bo‘lmagan pastroq balandlikda uchishini aniqlagan. Bu esa, o‘z navbatida ularni ushlashda qiyinchilik tug‘dirishi mumkin.
Shu sababli Yaponiya Mudofaa vazirligi o‘z milliy xavfsizligiga tahdid qiluvchi bu yangi xavfga qarshi kurashda AQSh bilan hamkorlik qilishni rejalashtirmoqda.
Eslatib o‘tamiz, Shimoliy Koreya 25-iyul kuni Yapon dengizi tomonga ikki raketa uchirgan edi. Ularning ikkalasi ham Yapon dengiziga qulagan.
Izoh (0)