Украина давлат чегара хизмати Россия ФХХнинг чегарачиларини Азов денгизида провокацион ҳаракатларни амалга оширишда айблади, деб хабар беради Meduza.
Идоранинг таъкидлашича, 24 июлдан бошлаб кечаси ФХХ қирғоқбўйи қўриқлаш хизматининг кемаси бир неча дақиқа Украина денгиз қўриқлаш хизматига қарашли катерни яшил чироқ билан ёритмоқда. Бунинг одамлар ва техникага ҳеч қандай зарари йўқ, бироқ чегарачилар шахсий таркибнинг соғлиғи ва ҳаётини ҳимоя қилиш бўйича чора кўрган.
Россия Давлат думасининг мудофаа масалалари бўйича қўмитаси раиси ўринбосари Юрий Швиткин чегарачиларнинг мазкур баёнотини «аҳмоқона сафсата» деб атади. Ҳарбий-денгиз флотининг жанговар фахрийлар хизмати иттифоқи раиси Виктор Блитон эса «матрослардан бири лазер кўрсаткич билан шўхлик» қилган бўлиши мумкин демоқда. Ҳарбий эксперт Михаил Тимошенко содир бўлган воқеани «хушчақчақ экипажнинг шўхлиги» деб атади.
Украина ИИВ бошлиғи Арсен Аваков 2018 йилнинг майида «босқинчи Россия» украин чегарачиларига қарши «жангчиларнинг кўз қорачиғига зарар етказадиган лазер қуроллардан фойдаланмоқда» деган эди.
Изоҳ (0)