Москвада мижознинг 41 миллион рублини ўғирлаб, яширинишга муваффақ бўлган валюта айрибошлаш шохобчаси ходими қидирувга берилди, дея хабар қилади «РИА Новости».
«Гумонланувчи федерал қидирувга берилди», — дейилади хабарда.
Елисеев тор кўчасида жойлашган валюта айрибошлаш шохобчасига фирмалардан бирининг директори инкассаторлар билан кириб, 41 миллион рублни долларга айлантириш мақсадида келганини билдирган. Кассир аёл пулларни санаб кўриб, ҳозирда керакли маблағ йўқлигини айтиб, улардан кўчада кутиб туришларини илтимос қилган. Шундан сўнг у пуллар билан ғойиб бўлган.
Ҳозирда аёлга нисбатан жиноят иши очилган бўлиб, у 10 йилгача озодликдан маҳрум этилиши мумкин.
Изоҳ (0)