Qirg‘izistonning sobiq prezidenti Almazbek Atambayev kelayotgan haftada Rossiyaga uchishni rejalashtirayotgani haqida ma’lum qildi, deya xabar berdi Sputnik.
Sobiq davlat rahbari o‘z rejasi haqida gapirgan video mahalliy ijtimoiy tarmoqlarda e’lon qilingan. Atambayev “xalq shtabi” deb nom olgan shtab joylashgan Qo‘y-Toshdagi uyidan chiqib, jurnalistlarning savollariga javob bergan.
Atambayevning aytishicha, u avval rejalashtirganidek, bir-ikki kunlik safarda bo‘ladi.
“Mening uchishimni hamma ham xohlayotgani yo‘q. Lekin o‘ylaymanki, hammasi joyida bo‘ladi, men shuni bilamanki, meni taklif etayotgan odamlar u yoqqa uchishim va qaytishim normal kechishini tashkillashtirib beradi”, — deb aytgan Atambayev.
“Avvalroq, 15-iyul kuni, Atambayev agar buning imkoni bo‘lsa mamlakatni faqat ikki kunga tark etishini ma’lum qilib, Qirg‘izistonni bir umrga tark etishni rejalashtirmaganini ham qo‘shimcha qilgandi. O‘shanda OAVda Atambayev Rossiyaga Yevrosiyo banki boshqaruv raisi Andrey Belyaninovning taklifiga binoan borishni rejalashtirayotgani haqida xabarlar tarqalgan edi”,— deb yoziladi xabarda.
Izoh (0)