Ўзбекистон Миллий олимпия қўмитаси президенти Рустам Шоабдураҳмонов Россия Федерациясига ташрифи доирасида Москва шаҳрида Россия спорт вазири Павел Колобков билан учрашди. Бу ҳақда ташкилотнинг расмий сайтида хабар берилди.
Таъкидланишича, томонлар ўзаро ҳамкорлик доирасида қатор лойиҳаларни амалга ошириш юзасидан келишувга эришган.
Учрашув мобайнида ўзбекистонлик спортчиларнинг катта мусобақаларга тайёрланиши учун Россия спорт вазирлигига қарашли спорт базалари тақдимоти кўрсатилган.
Ташриф давомида Рустам Шоабдураҳмоновга МОҚ қошидаги Республика спорт тиббиёти илмий-амалий маркази директори, профессор Абдушукур Содиқов ҳамроҳлик қилга. Делегация аъзолари Россиядаги спорт тиббиёти соҳаси мутахассислари билан тажриба алмашган.
Россия ва Ўзбекистон узоқ йиллик мустаҳкам алоқаларга эга ва биз бу ҳамжиҳатликни давом эттиришга тайёрмиз. Россия спорт вазирлиги ва Россия олимпия қўмитаси Ўзбекистон томонининг Россия спорт вазирлиги ҳамда Ўзбекистон Жисмоний тарбия ва спорт вазирлиги ўртасида кенг қамровли ҳамкорлик қилиш борасида 2019 йил учун тузилган ҳаракат режасини маъқуллайди. Мазкур лойиҳа ҳудудларда спортдаги илм-фан ютуқлари, жисмоний тарбия ва спорт соҳасидаги ахборот алмашинуви, спорт ва бошқа йўналишлар бўйича тадбирлар ташкил қилиш тажрибаси, шунингдек, икки Миллий олимпия қўмиталари ўртасида ҳамкорликни мустаҳкамлаш имкониятини яратади.Павел Колобков, Россия спорт вазири
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)