Кариб денгизининг Гондурас қирғоқларида омар (катта денгиз қисқичбақалари) овлаш учун мўлжалланган кема чўкиб кетиши оқибатида 27 киши ҳалок бўлди. Бу ҳақда «РБК» хабар берди.
Атлантика Тижорат балиқчилиги ассоциацияси президенти Ричард Бониллунинг сўзларига кўра, 9 киши бедарак йўқолган деб топилгани сабабали қурбонлар сони ортиши мумкин.
Гондурас қуролли кучлари маълумотига кўра, ҳозирда кема бортида бўлган 47 кишини қутқаришга эришилган.
Мамлакат қуролли кучлари вакили Хосе Доминго Мезанинг маълум қилишича, ҳалокатга кеманинг ноқулай об-ҳаво шароитида овга чиққани сабаб бўлган. Унинг айтишича, бу воқеадан бир неча соат аввал яна бир ов кемаси ҳам ҳалокатга учраган.
Изоҳ (0)