Америкаликларнинг қарийб ярми президент Дональд Трамп эгаллаб турган лавозимини тарк этиши лозим, деган фикрда. «Korrespondent.net»нинг хабар беришича, бу ҳақда Gallup ижтимоий хизмати томонидан 3 июль куни эълон қилинган тадқиқот натижаларида маълум қилинган.
Таҳлилчиларнинг таъкидлашича, тадқиқот иштирокчиларининг 45 фоизи АҚШ Конгрессидаги кўплаб демократларнинг давлат раҳбарига импичмент эълон қилиш таклифини қўллаб-қувватламоқда. Бунда сўроқ қилинганларнинг 53 фоизи Трампни бу лавозимдан бўшатмаслик керак, деган фикрда.
Сўровнома натижаларида партиявий тегишлиликка кўра кескин ажаралиш кузатилган. Хусусан, Республикачилар партиясидан бўлганларнинг 7 фоизи, Демократлар партиясидан бўлганларнинг 81 фоизи Дональд Трампга импичмент эълон қилиш лозим деб ҳисобламоқда.
Қайд этилишича, 19 июндан 30 июнгача ўтказилган ушбу сўровномада 1018 нафар вояга етган америкаликлар иштирок этган.
Изоҳ (0)