Футбол бўйича Африка Миллатлар Кубогининг гуруҳларида 30 июнь, якшанба куни 3-тур баҳсларига старт берилди.
Мусобақа мезбони Миср терма жамоаси Уганда термасига қарши майдонга тушди.
Беллашувнинг 36-дақиқасида мисрлик ҳужумчи Муҳаммад Салоҳ жарима зарбасидан ҳисобни очган бўлса, 45-дақиқага келиб ҳимоячи Аҳмад ал-Муҳаммади ҳисобни 2:0 кўринишига олиб келди.
Шу тариқа Миср термаси мусобақанинг 3-турида Уганда устидан ишончли ғалабани қўлга киритди.
Мазкур ғалабадан сўнг мисрликлар 9 очко жамғарган ҳолда гуруҳда биринчи ўринни эгаллади ва плей-офф йўлланмасини қўлга киритди. Уганда эсаМисрга мағлуб бўлганига қарамай, 4 очко билан гуруҳда иккинчи ўринни эгаллади ва жамоа плей-оффга чиқди.
Конго терма жамоаси Зимбабве термаси билан баҳсга киришди.
Ўйин давомида Конго аъзолари Жонатан Болинги (4), Седрик Бакамбу (34, 65 — пенальти) ҳамда Бритт Ассомбалонга рақиб дарвозасига гол урди.
Шу тариқа Конго Зимбабве дарвозасига жавобсиз 4 та гол урди (4:0).
3-тур якунига кўра, Конго «А» гуруҳида 3 очко тўплаб 3-ўрин билан кифояланди. Сўнгги ўриндаги Зимбабве эса 1 очкога эга бўлди.
«B» гуруҳида эса Мадагаскар терма жамоаси Нигерия термаси билан беллашди.
Учрашувнинг 13-дақиқасида мадагаскарлик ярим ҳимоячи Лалаина Номенжанахари рақиб дарвозасини ишғол қилди. 53-дақиқага келиб эса мадагаскарлик бошқа бир футболчи Каролюс Андриамациноро ҳам ўз номига битта гол ёздириб қўйди (2:0).
Баҳс якунига кўра, Мадаскар Нигерияни таслим этди ва муҳим 3 очкога эга бўлди.
Қайд этиш лозим, Мадагаскар 7 очко жамғариб, гуруҳ баҳсларини биринчи ўринда якунлади. Нигерия эса 6 очко билан 2-ўринни банд қилди.
Шу куни Гвинея термаси Бурунди билан тўқнаш келди.
Беллашувнинг 25 ҳамда 52-дақиқаларида гвинеялик ҳужумчи Моҳамед Яттара гол уриб, дублга эришди.
Натижада Гвинея термаси Бурундини 2:0 кўринишида мағлубиятга учратди.
Гвинея сўнгги турда ғалаба қозонганига қарамасдан гуруҳдан чиқиш масаласини ҳал эта олмади. Жамоа 4 очко билан гуруҳда 3-ўринни эгаллади. Бурунди эса 3 та тур якунига кўра бирорта ҳам очко йиға олмади.
Африка Миллатлар Кубоги
3-тур баҳслари
27 июнь, пайшанба
«А» гуруҳи
Уганда—Миср 0:2
Голлар: 0:1 — 36 Салоҳ, 0:2 — 45 ал-МуҳаммадиЗимбабве—Конго 0:4
Голлар: 0:1 — 4 Болинги, 0:2 — 34 Бакамбу, 0:3 — 65, пенальти, Бакамбу, 0:4 — 78 Ассомбалонга«B» гуруҳи
Мадагаскар—Нигерия 2:0
Голлар: 1:0 — 13 Номенжанахари, 2:0 — 53 АндриамацинороБурунди—Гвинея 0:2
Голлар: 0:1 — 25 Яттара, 0:2 — 52 ЯттараЯнада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)