Футбол бўйича Ўзбекистон Суперлигасининг 12-тури доирасида 23 июнь, якшанба куни сўнгги 3 та беллашув бўлиб ўтди.
Куннинг дастлабки ўйини Сурхондарёда кечди. Унда мезбон «Сурхон» жамоаси Тошкентнинг «Бунёдкор» клубини қабул қилиб, 2:0 ҳисобида ғалаба қозонди. Голларга Ҳуснидддин Ғофуров ҳамда Владимир Бубанья муаллифлик қилди.
Қаршининг «Насаф» клуби эса сафарда «Металлург»га қарши баҳс олиб борди. Ўйиндаги ягона гол 84-дақиқада қаршиликлар аъзоси Ҳумоюн Муртазоев томонидан киритилди.
Бош мураббийсиз қолган Наманганнинг «Навбаҳор» клуби эса ўз майдонида «Бухоро»ни қабул қилиб, 3:1 ҳисобида ғалабага эришди. Мезбонлар сафида голларнинг иккитасига Шаҳзод Шайманов, яна биттасига эса Иван Соловев муаллифлик қилди. «Бухоро»нинг ягона жавоб голи эса Владимир Баенко номига ёзилди.
Шу тариқа Ўзбекистон Суперлигасида 12-тур баҳслари якунига етди.
Суперлига
12-тур баҳслари
23 июнь, якшанба
«Сурхон»—«Бунёдкор» 2:0
Голлар: 1:0 — 19 Ҳусниддин Ғофуров, 2:0 — 40 Владимир Бубанья.«Металлург»—«Насаф» 0:1
Гол: 0:1 — 84 Ҳумоюн Муртазоев.«Навбаҳор»—«Бухоро» 3:1
Голлар: 1:0 — 14 Шаҳзод Шайманов, 2:0 — 17 Шаҳзод Шайманов, 3:0 — 87 Иван Соловев, 3:1 — 89 Владимир Баенко.Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)