Қирғизистон Бош прокуратураси мамлакатнинг собиқ президенти Атамбаевни дахлсизлик ҳуқуқидан маҳрум этиш ҳақидаги парламент ташаббусини маъқуллади. «Коммерсантъ»нинг ёзишича, бу ҳақда парламент кенгашида бош прокурор Откурбек Жамшитов маълум қилган.
«Бош прокурорнинг Атамбаевни дахлсизликдан маҳрум этиш ҳақидаги илтимосномаси парламентга юборилган», — деган Откурбек Жамшитов.
Қайд этилишича, прокуратура парламент томонидан собиқ президентга қарши қаратилган айбловларнинг бир қисмини қўллаб-қувватлаган. Хусусан, Бош прокуратура Атамбаев ҳокимият узурпация қилиниши (қонунга хилоф равишда тортиб олиниши), журналист ва сиёсий мухолифатларнинг таъқиб қилинишига бевосита алоқадор эканлигига оид далилларни топган.
Изоҳ (0)