15 июнь, шанба куни футбол бўйича Ўзбекистон Суперлигасининг 11-турида Жиззахнинг «Сўғдиёна» жамоаси Навоийнинг «Қизилқум» клуби майдонига сафар қилди.
Беллашувнинг 8-дақиқасидаёқ жиззахликлар ярим ҳимоячиси Кахи Maxарадзе ҳисобни очган бўлса, 60-дақиқага келиб мезбонлар вакили Элгужа Григалашвили 11 метрлик жарима зарбасидан рақиб дарвозасига тўп киритди (1:1).
Шу тариқа жамоалар дуранг ўйнади ва бир очкодан бўлишиб олди.
Ушбу баҳсдан сўнг «Сўғдиёна» 16 очко тўплаб, мусобақа жадвалида 5-ўринга кўтарилиб олди. «Қизилқум» эса 11 очко билан 10-ўринни банд қилиб турибди.
Суперлига
11-тур баҳслари
15 июнь, шанба
«Қизилқум»—«Сўғдиёна» 1:1
Голлар: 0:1 — 8 Кахи Maxарадзе, 1:1 — 60, пенальти, Элгужа Григалашвили«Қизилқум»: Артём Макосин, Эркин Бойдуллаев, Алишер Саноев, Файзулло Қамбаров, Салим Мустафоев (Азизбек Усмонов, 55), Элдор Бойматов (Хуршиджон Олимов, 46), Муҳсин Убайдуллаев, Шерали Жўраев, Элгужа Григалашвили, Мақсуд Каримов, Медина Смит
«Сўғдиёна»: Милан Митрович, Сардор Қулматов, Искандар Шойқулов (Муҳаммадали Йўлдошев, 46), Элёр Орипов, Кахи Maxарадзе, Нуриддин Ҳасанов, Санжар Рашидов (Сирож Мелиев, 71), Шоҳруз Норхонов, Иззат Абдуллаев, Никола Милинкович, Шаҳбоз Жўрабеков
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)