Профессионал бокснинг супер ўрта (-76,2 кг) вазн тоифаси вакилига айланган ўзбекистонлик Бектемир Мелиқўзиев ўзининг дебют жангини ғалаба билан бошлади.
6 раундга мўлжалланган жангда Мелиқўзиевга аргентиналик Мартин Фидел Риос рақиблик қилди. Жанг 1-раунддаёқ ниҳоясига етди. Бектемирнинг кетма-кет зарбалари натижасида Риос чуқур нокаут ҳолатига тушди ва жангни давом эттира олмади.
Шу тариқа Мелиқўзиев профессионал рингдаги фаолиятини нокаутли ғалаба билан бошлади.
Маълумот учун, 27 ёшли Риос шу кунгача профессионал боксда 46 та жанг ўтказган ва уларнинг 23 тасида ғалаба қозонган бўлса (13 та нокаут), 19 та жангда мағлубиятга учраган (4 та нокаут). Яна 4 та жангда эса дурангга эришганди.
Қайд этиш жоиз, у ўз вақтида ўзбекистонлик бошқа бир боксчи Азизбек Абдуғофуровга қарши жангда мағлуб бўлганди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)