Коста-рикалик посбон ёзги трансферлар вақтида «Реал»ни тарк этмаслиги мумкин, деб ёзади AS.
Аввалроқ Мадрид клуби устози Навасга келаси мавсум жамоада Тибо Куртуа асосий дарвозабон бўлишини маълум қилгач, у клубдан кетишни хоҳлашини маълум қилганди.
Бироқ Наваснинг юқори талабалари сабаб, бирорта клуб уни ўз сафига қўшиб олиш борасида расмий таклиф билан чиққанича йўқ. Навас «Реал»ни эркин агент сифатида тарк этишга рози эди. Аммо бунинг учун «Қироллик клуби» Навасга 2 йиллик шартномаси бўйича товон пулини тўлаб бериши керак бўларди. «Реал» эса бундай бўлишини хоҳлаганича йўқ.
Кейлорнинг ўзи янги клубга ўтган тақдирда йилига 7 миллион евро маош олишни хоҳламоқда. Бундай таклифни унга фақат «Манчестер Юнайтед» ҳамда ПСЖ бериши мумкин. Бироқ иккала клуб ҳам Навасга эътибор қаратгани йўқ.
Футболчининг хизматларига қизиқиш билдириб кўрган «Бенфика» ва «Порту» эса унинг талабларини эшитгач фикридан қайтган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @daryo_sport’га обуна бўлинг!
Изоҳ (0)