Россияда икки нафар Ўзбекистон фуқароси товламачилик қурбонига айланди. Бу ҳақда Калуга вилояти ИИБ матбуот хизмати маълум қилди, дея хабар беради Sputnik.
Жиноятчи телефон орқали ўзини банк ходими деб таништириб, меҳнат мигрантларига арзон кредит таклиф қилган. Гуёки бунинг учун улар ўз банк карталарига қўшимча хизматларни улаши керак бўлган. Ушбуни рўкач қилган ҳолда товламачи уларнинг паспорт рақамлари ва банк реквизитларини билиб олган.
Шундан сўнг жиноятчи уларнинг ҳисоб рақамидаги маблағларни ўз ҳисобига ўтказган. Шу йўл билан товламачи икки нафар фуқародан жами 17 минг рубль ўғирлаган.
Ҳуқуқни сақлаш органлари товламачининг шахсини аниқлаб уни ҳибсга олди. У Ростов вилоятида яшайдиган 21 ёшли қиз бўлиб чиқди.
Унга нисбатан 2 та жиноят иши очилган. Айни вақтда тергов давом этмоқда.
Изоҳ (0)