Хитой Шинжон-Уйғур мухтор туманидаги жазо муассасаларида камида бир миллион уйғурларнинг сақланиб келиши ҳақидаги маълумотни рад этди. Бу ҳақда Хитой Халқ Республикаси ташқи ишлар вазири ўринбосари Чжан Ханхуэй маълум қилди, деб ёзади «ТАСС».
Унинг таъкидлашича, Хитойга қарши ахборот кампаниясини «номаълум манфаатларга эга муайян кишилар» бошлаган. Уларнинг хатоси шундан иборатки, улар «таълим ва касбий тайёрлов марказлари»ни уйғурлар учун концентрацион лагерлар деб таърифламоқда.
Шунингдек, Ханхуэй БМТ томонидан лагерларда сақланаётган миллионлаб маҳбуслар ҳақида эълон қилинган маълумотларни сафсата ва сохта ахборот деб атади.
Вазир ўринбосари сўзларига кўра, Хитойда уйғурларнинг ҳолати ҳақида нотўғри маълумотлар тарқалиши «халқаро ҳамжамиятдаги муайян кучларнинг» мамлакат ривожланишига нормал муносабатда бўлишни истамаслиги ва совуқ уруш давридаги фикрлаш билан боғлиқ.
Изоҳ (0)